~ Abubaker Collection ~

[abubaker1991]

Poojnay Se Pathar Kabhi Khuda Nahi Hotay,
Wafao K Silay Lazim Wafa Nahi Hotay,

Woh Mujhse Meri Muhabbat Ki Gehrayi Puchta Hai,
Chashmay Jitnay Bhi Gehray Hon Darya Nahi Hotay,

Har Kisi K Jalnay Ka Apna Andaaz Hota Hai,
Parwanay Jitnay bhi Jalein Magar Diya Nahi Hotay,

Tum Jab Bhi Chalna Apnay Peron Par Hi Chalna,
Aaj Kal Log Kisi Ka Aasra Nahi Hotay,

Woh Mujhe Kanta Samajh K Giraa Gaya Raahon Mein,
Usay Kya Khabar K Phool Kabhi Kanton Se Juda Nahi Hotay....!!!

[abubaker1991]

Chahat K Is Darya Par Us Darya K Kinaray Par,
Dil Ko Aaj Azaad Kiya Maine Usko Yaad Kiya,

Tanhayi Ki Raatoh Mein Khud Hi Baaton Baaton Mein,
Is Dil Ko Yun Shaad Kiya Maine Usko Yaad Kiya,

Jab Se Usko Chaha Hai Chah K Bhi Na Paya Hai,
Har Pal Ne Faryaad Kiya Maine Usko Yaad Kiya,

Chand Ki Roshni Mein Sadiyon Ki Lambi Raton Mein,
Jab Jab Mousam Ne Sath Diya Kiya Maine Usko Yaad Kiya....!!!!

[abubaker1991]

bahut hasii.n hai meraa dil_rubaa na ho jaaye
merii nazar mein woh kaafir Khudaa na ho jaaye

tamaam shahar mein merii vafaa kii khushbo hai
puraanaa zakhm kisii kaa haraa na ho jaaye

na jaane kitne baras baad vo milaa hai mujhe
hai dar yahii ki vo phir se judaa na ho jaaye

mai.n us se Toot ke milta hon jab bhii milta hon
ye meraa milanaa kahen haadasaa na ho jaaye

[abubaker1991]

baat chali teri ankhon se jaa pahchi paimane tak
khainch rahi hai teri ulfat aaj mujhe maikhane tak

ishq kii batain ghum kii baatein duniya vale karte hain
kis ne shama kaa dukh dekha kaun gaya paravane tak

ishq nahin hai tum ko mujh se sirf bahane karti ho
youn hi bahane qayam rakhana tum mere mar jaane tak

itna hi kehna hai tum se mumkin ho to aa jana
aa hii gaye ho to rukana hoga ankhon ke patharane tak

[abubaker1991]

Dushman bhi pesh aaye hain dildar ki tarah
Nafrat milee hai unsey mujhe pyaar ki tarah

Kaise milengey chanhne waley batai'yye
Duniya kharhi hai raah mein deewar ki tarah

Woh bewafai kar ke bhi sharminda na huwe
Sooli pe hum charhhe hain gunahgar ki tarah

Toofa'n mein mujh ko chorh kar woh laug chal diye
Sahil pe they jo sath mein patwaar ki tarah

Chehre pe hadso'n ne likheen woh ibaratein
Parhta hai har koi mujhe akhbar ki tarah

Dushman bhi ho gaye hain maseeha sifat JAMAL
Milte hain toot kar woh galey yaar ki tarah

[abubaker1991]

Kis terha shola bajaa,n khaak basar aya hon
tu ne dekha hay tu duniya ko nazar aya hon

Tu ne bass naam liya tha hamsafri ka lekin
Main tere saath zamano se guzar aya hon

Mera khona bhi yahi hay,mera hona bhi yahi
Roshani tere had o khaal mein bhar aya hon

Maine behte hoye dariya mein qadam rekha tha
Aur bharakte hoye sehra mein uttar aya hon


Kabhi mujh se bhi lipat ker koi pooche yousaf
Kin kharabon se bhatkta hua ghar aya hon

[abubaker1991]

kisi ka dard amanat hai merey siine mai
k jaisey wus'atey darya miley safine mai

khabar nahii k mere shair kia mera funn kia
ik aag hai k jo dhalti hai aab-geene mai

baras tamam huwa aur umr baaqii hai
juda huwe thai wo mujhsey isii mahine mai

tere khayal se rag rag dukhi hui hai merii
ajab tarah ki kami reh gayee hai jiine mai

mera ye haal tera zikr sunn k you'n chup hoo'n
shu'aayain dafn ho jaisey kisii nagiiney mai

tamam gham hoo'n, mujhe SHAZ sehl matt jano
kati hai umr meri zabt k qareene mai

[abubaker1991]

Had-e-Inteha Se Buhat Aagay Unhein Chaha Hai,
Humne Wafa Se Buhat Aagay Unhein Chaha Hai,

Jahan Se Lout Aanay Ka Rasta Nahi Milta,
Us Rah Se Buhat Aagay Unhein Chaha Hai,

Unse Kaho Jin Ki Nigah Mein Muhabbat Gunah-e-Azeem Hai,
Humne Gunah Se Buhat Aagay Unhein Chaha Hai,

Muhabbaton Mein Harf-ba-Harf Mujhe Mangna Nahi Aata,
Maine Aadab-e-Dua Se Buhat Aagay Unhein Chaha Hai....!!!

[abubaker1991]

Woh Reh Na Paye Ik Pal Bhi Mere Bina,
Ay Khuda Tu Usko Meri aadat Si Karde,

Itna Toot K Chahun Main Usko,
K Meri Chahat Ko Usko Ibadat Si Karde,

Koi Chu Na Paye Apne Khayalat Mein B Usko,
Har Ik K Zehn Mein Uski Hifazat Si Karde,

Band Aankh Mein Bhi Dekh Paon Main Usko,
Meri Nazar Ko Aisi Ijazat Si Karde,

Rakhun Gi Khayal Uska UMer Bhar K Liyee,,,,
Bas Ab Woh Apne Apko Meri Amanat Karde......!!!!

[abubaker1991]

junoo'n mai hosh k sab silsiley bhi sath rakhta hai
wafa karta hai lekin fasley bhi sath rakhta hai

ghanimat hai agar kuchh waqt khamashi se kat jaye
ye ahd e kamm_nazar kuchh sanhey bhi sath rakhta hai

andhero'n se larhe ya ab larhe uss habs mausam se
hawayain chahta hai par diye bhi sath rakhta hai

utarta hai dilo'n mai chaudhvee'n k chaand ki soorat
shab e tareek k kuchh zayqey bhi sath rakhta hai

koi aab o hawa tau raas ayegi kabhi usko
mohabbat k wo sarey mantaqey bhi sath rakhta hai

qafas ki tiiliyo'n mai konpalain ugney lagi AAZAR
ye qaidi fasl e gull k silsiley bhi sath rakhta hai

[abubaker1991]

tumharey bin sanvarne ko mera ab dil nahee'n karta
koi bhi kaam karne ko mera ab dil nahee'n karta

tumharey sath jin raho'n pe chal k khwab bunt"ta tha
wo rustey se guzarney ko mera ab dil nahee'n karta

mujhey dil k kisi koney mai rehne ki ijazat do
sare e saahil ubharney ko mera ab dil nahee'n karta

kahee'n khushyo'n k mailey hain kahee'n maatam hai lasho'n ka
kahee'n bhi paao'n dharney ko mera ab dil nahee'n karta

boht uktaye rakhte hain, bakherhey zeest k FAIQ
kisi dil mai utarne ko mera ab dill nahee'n karta

[abubaker1991]

chahat ka rung tha na vafa ki lakeer thi
qatil k haath mein to hina ki lakeer thi

khush hon k vaqt e qtal mera rung surkh tha
merey labon pe harf e dua ki lakeer thi

main kaarvaan ki rah samajhta raha jisey
sehra ki rait par voh hava ki lakeer thi

suraj ko jis ne shab k andheron mein gum kia
moj e shafaq na thi voh qaza ki lakeer thi

guzra hai shab ko dasht se shayad woh parda daar
har naqsh e pa k saath ridaa ki lakeer thi

kal uska khat mila k saheefa vafa ka tha
Mohsin har aik sitar haya ki lakeer thi

[abubaker1991]

zakhamon se gosha dil e veeran saja liya
humney khizaan mein jashan e baharaan mana liya

suraj se chaal chal k siyabaan ki dhoop ne
ik be-kafan darakht ka saaya chura liya

barbadiyun ki raat ! meri be-basi to dekh
girtey huye makaan ne mera asraa liya

yaaron ka zikar kiya, k vafa ki talash mein
humney to dushmanon ko b dil mein basa liya

Aahat suni hava ki to Mohsin ne khof se
jalta huva diya tah e damaan chupa liya

[abubaker1991]

Muhabbat Ka Dhuwan AankhoN mein Pani Chor Jata Hai,
Kisi Rastay Se Gham Guzaray Nishani Chor Jata Hai,

Humari Guftugu Se Bhi Woh Qael Nahi Hota,
Aur Apni Khamoshi K Bhi Maani Chor Jata Hai,

Bharosa Jis Pe Ho Usay Tawaqqo Koi Mat Rakhna,
Yehi Ek Saibaan Be-Saaibaani Chor Jata Hai,

Bichar Kar Bhi Hum Aise Shakhs Se Bichrra Nahi Kartay,
Jo Ek Fiqra Aada Kar K Kahani Chor Jata Hai,

SAHIL Mout Bhi Kam Khubsurat Toh Nahi Hogi,
Jo Isko Dekhta Hai Zindgani Chorr Jata Hai......!!!!

[abubaker1991]

voh din kahan k ab koi mehfil sajaeye
ik dil hai so usi se mohabbat nibhaeye

mansoob kis se kijeye ashkon k ayeney
ab kis ki rah mein yeh khazaney lutaeye ?

manzir jo ankh mein hai bhula dijeye usey
pather jo dil pe hai usey kesey hataeye

ab kon hai jo humain dey jeney ka hosla ?
itney dukhon mein kis k liye muskuraeye

kab tak kisi ki yad se rakhiye muamla !
aandhi mein ik chiraag kab tak jalaeye

Mohsin jo pal mein tor dey sadiyun ki dosti
us bevafa ki salgira kia manaeye ?

[abubaker1991]

Jis Simat Bhi Dekhoon Nazer Atta Hai Kay Tum Ho
Aai Jan-e-Jahaan Yeh Koi Tum Sa Hai Kay Tum Ho

Yeh Khawaab Hai, Khushboo Hai Kay Jhonka Hai Kay pal Hai
Yeh Dhund Hai Badal Hai Kay Saya Hai Kay Tum Ho

Is Deed Ki Saait Hai Kaye Rang Hain Lerzaa'n
Mai Hon Kay Koi Orr Hai Dunyaa Hai Kay Tum Ho

Dekho Yeh Kisi Orr Ki Ankhain Hain Kay Meri
Dekho Yeh Kisi Orr Ka Chehra Hai Kay Tum Ho

Yeh Umer-e-Guraizaa'n Kaheen Thairay Tu Yeh Janoo'n
Her Ik Saans Mai Mujh Ko Yehi Lagta Hai Kay Tum Ho

Ik Dard Ka Phaila Howa Sehra Hai Kay Mai Hoon
Ik Mouj Mai Ayaa Howa Daryaa Hai Kay Tum Ho

Wo Waqat Naa Aai Kay Dil-e-Zaar Bhi Sochay
Is Sheher Mai Tanhaa Koi Hum Sa Hai Kay Tum Ho

Abaad Hum Aashufta Sirroo'n Se Nahi Maqtil
Yeh Rasum Bhi Is Sheher Mai Zindda Hai Kay Tum Ho

Aai Jan-e-Faraz Itni Bhi Toufeeq Kisay Thi
Hum Ko Gham-e-Hasti Bhi Gawaara Hai Kay Tum Ho

[abubaker1991]

juda honey k mausam mai juda hona bhi parhta hai
jisey mushkil se paya ho usey khona bhi parhta hai

khudi pe maan itna hai kabhi murh kar nahi daikha
jisey kehdoo'n k mera hai usey hona bhi parhta hai

abhi to fasl e gul ho, misl e gul ho zehn mai rakhna
k jab waqt e khiza'n aaye tau phir rona bhi parhta hai

mujhey nindain nahee'n bhatee'n k misl e marg hoti hain
magar ikk khwab k lalach mai phir son abhi parhta hai

hamesha hansta rehta hoo'n chhupa k gham zamaney se
magar jab tera naam aaye tau phir rona bhi parhta hai

[abubaker1991]

Mere saath tum bhi dua karo yonh kisi ke haQ me bura na ho
kahin aur ho na ye haadasaa koi raaste me judaa na ho


Mere ghar se raat ki sej tak woh ik Aansowon ki lakeer hai
zara barrh ke chaand se poochena woh isi taraf se geya na ho


sar-e-shaam thehri hui zameen, Aasmaan hai Jhukaa huwa
isi morr par mere waaste woh chiraag le kar kharra na ho


woh farishte aap hi dhooNdhiye , kahaaniyon ki kitaab me
jo buraa kahain na bura sunain .koi shaKhs un se khafaa na ho


wo wisal ho keh firaQ ho teri aag mehke gi Ek din
woh Gulab ban ke khile ga kya jo chiraag ban ke jalaa na ho


mujhe yonh lagaa ke khushbu ke hontH titlion ne chu liye
inhi zard patton ki ott me koi phool soya huwa na ho


isi ehtiyaat me main raha isi, ehtiyaat me wuh raha
wuh kahan kahan mere saath hai kisi aur ko ye pata na ho

[abubaker1991]

Kyon Khilwat-E-Ghum Mein Rehte Ho, Kyon Gosha Nasheen Bekaar Hue,
Aakhir Tumhe Sadma Kya Pahuchna, Kya Soch Ke Khud Azaar Hue,


Kyon Saaf Kushadaa Raaston Par Tum Thokarein Khate Phirte Ho,
Kyon Teer-O-Taar Si Galiyon Mein Tum Aan Ke Khush-Raftar Hue,


Kyon Rasta Chhod Ke Chalte Ho, Kyon Logon Se Katrate Ho,
Kyon Chalte Phirte Apne Liye, Tum Aap Hi Ek Deewar Hue,


Kya Uthte Baithte Sochte Ho, Kya Likhte Padhte Rehte Ho,
Is Umr Mein Ye Be-Kaifi Kyon, Kis Waste Nek Atwaar Hue,


Kyon Aise Safar Pe Nikle Ho Manzil Nahi Jiski Koi Bhi,
Kyon Raah Pe Aisi Chalte Ho, Saya Bhi Jahan Deewar Hue,


Kyon TarQ-E-AlaiQ Ko Tumne Samjha Hai Ilaaj-E-Gam Aakhir,
Dekho To Wali Sofi Bhi Yahan Kis Thaath Ke Duniya-Daar Hue,


Mayoosi-E-Paihum Se Tumne Yarana Ye Kaisa Ghantha Hai,
Undoh Alam The Jitne Bhi, Aakhir Wo Gale Ka Haar Hue,


Is Kalba-E-Ehzaan Se Hargiz, Ubhrega Na Suraj Koi Bhi,
Kab Khaak Sitara Baar Hui, Kab Saaya Sahr Asaar Hue,


Kab Subah Ke Nale Kaam Aaye, Kya Garyaa-E-Neem Sabhi Se Mila,
Is Qarya-E-Khwaab-E-Faroshaan Mein Tum Kiske Liye Bedaar Hue,


Bekaar Ulajhte Rehte Ho Kyon Ulti Sidhi Baaton Mein,
Ye Marhale Wasl-O-Hijraan Ke Ab Aise Bhi Kyon Dushwaar Hue,


Us Kuche Ki Raah To Samjhao, Jis Kooche Mein Jaan Mushkil Hai,
Us Shakhs Ka Naam To Batlao, Tum Jiske Liye Bimaar Hue,


MashfaQ Ne Ye Baatein Sunke Kaha, Baatein Na Hui Ashaar Hue,
Ye Dard Batane wale Bhi Kis Shaan Ke Khush Guftaar Hue,


Sad Shukar Ke Khush Usloobi Se Takmeel Ko Pahuchi Ruswayi,
Mohtaj-E-Dua The Jo Khud Hi Aakhir Wo Mere Gamkhwaar Hue...

[abubaker1991]

UjjrReY howEy LogoOn Se GuRezaAn NaA howaA KaR
HaAlaAt Kii QabbRoOn k yE KatbEy B ParrhaA KaR

KiA JanYe..! Kiun TaizZ HaWaA SoOch MaIn GumM Haii…?
KhaWaABeEdaA PaRiindoOn KoO DarakHtoOn Se URRaA KaR

UsS ShakS k TuM Sse MaRaAsiM Hai, ToO hoOn gEy……..
WoO JhoOtt NaA BoLEy GaA mErE SaAmnEy aAA KaR

Ab DasTakaIn dE gaA toO KahAn Ay GhaM-E-AhbaAb……..!
MaIneY toO KaHa Tha K mErE DiL MaI RaHaA KaR

HAr WaQtt Ka HanSnaA TUjHeY BarBaAd NaA Kar DeY
TanHai K LamHoOn Mai Kabhii RoO B LiYaA KaR

WoO Ajj B SaDyoOn Ki MuSaAFaT Par KhaRRaA Hai
DhoOnDaA Tha JiSeY WaQT Ki DiWaAr GiRaA KaR

BaRhAm NaA Ho KaM Fehm-i-KoOtaAH NazZRaAn Par…..!
Ayy QasSiit-E-FaN, Apni BuLanDii KaA GilaA KaR

Ayy DiL TujjHeY DuShmAnoOn Ki B PeHcHaAn KahAn Hai…?
ToO HaLQA-E-YaAraAn Mai B MohTaT RahA KaR

Mai MAR B ChUkaA, MiL B ChuKaA MoOjj-E-HaWaA Mai
Ab Raitt K SeEneY Pe meRa NaAm LikHaA KaR

PeHLaA SaA KahAn Ab MeRii RaFTaAr Ka aALAm…!
Ayy GarDiiSh-E-DoRaAn zZaRaA THAM THAM k ChaLaA KaR

iS RuT Mai KahAn PhoOL KHiiLaiN geY DiL-E-NaAdaAn…?
ZaKhmoOn koO Hii WaBasSTa-E-zZanjjeeR-E-SabaA KaR

iK RoOhh Kii FaRyaAd nEy ChonKaA DiaA Mujh koO
ToO Ab To MujjHey JiiSM K zZiiNdaAn Sey ReHaA KaR

IsS ShAbb K MuQaDDaR Mai SaHaR Hii NaHii MOHSIN
DaiKhaA Hai Kaii BaAr CHARaAGhoON KoO BhujjaA KaR

[abubaker1991]

Sukh Ka Mousam Khiyaal-o-Khawaab Howa
Saans Lena Bhi Ab Dushwaar Howa

Ankhoon Ankhoon Mai Parha Karo Jazbay
Chehra Chehra Khuli Kitaab Howa

Roshni Us Kay Aks Ki Dekho
Aiena Shub Ko aftaab Howa

Ik Falaknaaz Ki Mohabbat Mai
Mai Hawaoo'n Ka Humrakaab Howa

Kon Moujoon Mai Gholta Hai Lahoo
Surkhroo Kis Leye Chanaab Howa

Kis Kay Sir Par Sinaa'n Ko Rashk Aya
Kon Maqtil Mai Kamyaab Howa

Ab Kay Hijraa'n Ki Dhoop Mai Mohsin
Rang Us Ka Bhi Kuch Kharaab Howaa...!!

[Anaam]

wow zaradst